കല്പ്പറ്റ: സംസ്ഥാനത്തെ ദുര്ഭരണത്തില്നിന്നു രക്ഷിക്കാന് ജനം മുന്നോട്ടുവരണമെന്ന് ത്രിപുര മുഖ്യമന്ത്രി മണിക് സാഹ. ചന്ദ്രഗിരി ഓഡിറ്റോറിയത്തില് എന്ഡിഎ നിയോജകമണ്ഡലം കണ്വന്ഷന് ഉദ്ഘാടനം ചെയ്യുകയായിരുന്നു അദ്ദേഹം.
കേരളത്തിലെ അഴിമതിയും കമ്മ്യൂണിസ്റ്റ് ഭീകരതയും അവസാനിപ്പിക്കാന് ബിജെപിക്കു മാത്രമേ കഴിയൂ. കേരളത്തില് നിലവില് 29.9 ശതമാനമാണ് തൊഴിലില്ലായ്മ നിരക്ക്. ലക്ഷക്കണക്കിന് യുവാക്കള് തൊഴിലിനും വിദ്യാഭ്യാസത്തിനും നാടുവിടേണ്ടി വരുന്നത് സംസ്ഥാന ഭരണത്തിന്റെ പിടിപ്പുകേടുമൂലമാണ്.
ശബരിമല ഉള്പ്പെടെ ക്ഷേത്രങ്ങളിലെ വരുമാനം കൊള്ളയടിക്കുന്ന സര്ക്കാരുകള് വിശ്വാസ പാരമ്പര്യം തകര്ക്കുകയാണ്. കേന്ദ്ര സര്ക്കാര് ആവിഷ്കരിക്കുന്ന വികസന പദ്ധതികള് കേരളത്തില് വേണ്ടവിധം നടപ്പാക്കുന്നില്ല. തൊഴിലുറപ്പ് പദ്ധതിയുമായി ബന്ധപ്പെട്ട് കുപ്രചാരണം നടത്തി കോണ്ഗ്രസും സിപിഎമ്മും ജനങ്ങളെ വഞ്ചിക്കുകയാണ്.
ഇടനിലക്കാരില്ലാതെ തൊഴിലുറപ്പ് തൊഴിലാളികള്ക്ക് പണമെത്തിക്കാന് എന്ഡിഎ സര്ക്കാരിന് കഴിഞ്ഞു. ഭാരതം വികസനത്തിന്റെ പാതയിലാണ്. കേരളം വികസന വഴിയില്നിന്നു മാറിനില്ക്കരുത്. വയനാട്ടിലെ വോട്ടര്മാര് ത്രിപുരയുടെ പാത സ്വീകരിക്കണം. വികസനത്തില് മുന്നിലെത്താനാണ് മത്സരിക്കണ്ടത്. രാഷ്ട്രീയ കൊലപാതകങ്ങളും മാഫിയ വാഴ്ചയും അവസാനിപ്പിക്കുന്നതില് ബിജെപി പ്രതിജ്ഞാബദ്ധമാണെന്നും മാണിക് സാഹ പറഞ്ഞു.
Deepika
E-paper LOGIN
LOGIN
